Bu gündən etibarən Mərkəzi Seçki Komissiyası (MSK) aşağı seçki komissiyalarının maarifləndirilməsinə yönəlmiş genişmiqyaslı layihənin ikinci mərhələsi çərçivəsində məntəqə seçki komissiyalarının üzvləri üçün treninqlərə başlayıb. MSK Katibliyinin Media və ictimai əlaqələr şöbəsindən APA-ya verilən məlumata görə, MSK-nın Treninq qrupu tərəfindən hazırlanmış proqrama əsasən treninqlər kiçik qruplar şəklində – hər treninq sessiyasında 35-40 nəfərədək məntəqə seçki komissiyası üzvünün iştirakı ilə mövcud seçki dairələri dairə seçki komissiyalarının inzibati binalarında keçirilir… Davamı →

“ATƏT-in Demokratik Təsisatlar və İnsan Haqları Bürosu (DTİHB) öz zəifliyi və boşluğuna görə Azərbaycanda keçiriləcək seçkilərə getməmək barədə qərar qəbul edib”. Trend-in məlumatına görə, bunu Rusiyanın xarici işlər naziri Sergey Lavrov Moskvada ATƏT-in baş katibi Lamberto Zannierlə keçirilən mətbuat konfransında deyib.

Onun sözlərinə görə, dövlət, həmçinin ATƏT-dən müşahidəçiləri dəvət etməlidir və oraya neçə müşahidəçinin gedəcəyi vacib deyil: “Bu, katibliyin günahı deyil, öz boşluğuna görə ardıcıl sınaqlara məruz qalan struktur və onu dolğun təşkilat etməkdən imtina edənlər asan manipulyasiya etmək üçün təşkilatın belə səviyyədə qalmasına üstünlük verirlər”.