Azərbaycan paralimpiyaçıları Rioda çıxış etmək üçün daha üç lisensiya alıb.  Day.az saytının məlumatına görə, bunu Trend-ə Azərbaycan Milli Paralimpiya Komitəsindən (AMPK) bildiriblər. Qurumun prezidenti İlqar Rəhimov Beynəlxalq Paralimpiya Komitəsindən Azərbaycana daha üç lisenziyanın verilməsi haqqında məktubun daxil olduğunu söyləyib.

Beləliklə, Rio oyunlarında Afaq Sultanova (London Paralimpiya oyunlarının cudo üzrə qızıl medalçı), Ramin Əliyev (cudo) və Hüseyn Hüseynov (atletika). Azərbaycanı Rio-2016 oyunlarında alti idman növündə 27 paralimpiaçı təmsil edəcək. Ümumilikdə isə ölkəyə 44 lisenziya təqdim olunmuşdur. Davamı →

Yeni tədris ilindən ölkənin əksər orta məktəblərində uşaqların məktəbəqədər təhsilinin dövlət hesabına təşkili mümkün olacaq. Oktyabrın 1-dən başlayacaq məşğələlərin təşkili üçün artıq müəyyən hazırlıqlar görülür. Bunun üçün həmin məktəblər və tədrisi aparacaq pedaqoqlar müəyyənləşdirilir, uşaqların sayı dəqiqləşdirilir. Eyni zamanda əyani vəsait və tədris resursları hazırlanaraq, müvafiq yerlərə göndərilir. Məktəblərdə məşğələlərə sənəd qəbulu ilə bağlı elanların yerləşdirilməsi də nəzərdə tutulub. Davamı →

2016-2017-ci tədris ili üçün çap edilən dərsliklərin yerlərə çatdırılması prosesi artıq yekunlaşıb. Sentyabrın 5-nə qədər isə dövlət ümumtəhsil müəssisələri tərəfindən dərsliklərin şagirdlərə paylanılması nəzərdə tutulur. Təhsil Nazirliyindən Ölkə.Az-a verilən məlumata görə, şagirdlərin bir məktəbdən digərinə yerdəyişməsi, şagird sayının artması və I sinfə gedəcək şagirdlərin sayının 100 faiz dəqiqliklə proqnozlaşdırılmasının mümkünsüzlüyü bəzi məktəblərdə dərsliklərlə təminatda müəyyən çətinliklər yarada bilər. Davamı →

Rio-de-Janeyro Olimpiadasında uğurla çıxış edən Azərbaycan yığması vətənə dönüb. Apasport.az saytının məlumatına görə, nümayəndə heyətimizi gətirən təyyarə bir qədər əvvəl Heydər Əliyev adına Beynəlxalq Hava Limanına enib. Medal sayında ölkəmizin yeni rekorduna imza atan olimpiyaçılarımız qəhrəman kimi qarşılanıblar.

Belə ki, hava limanına gələn yüzlərlə insanın əllərində mükafatçılarımızın şəkilləri, onlarla bağlı şüarlar olub. Bu gün Cəbrayıl və Füzuli rayonlarının Ermənistan Silahlı Qüvvələri tərəfindən işğal edilməsinin 23-cü ildönümü olduğundan, qarşılanma zamanı şən musiqilər səsləndirilməyib, yalnız hərbi musiqilər ifa edilib. Davamı →

“Azərbaycanda keçiriləcək referendumun yüksək səviyyədə təşkili üçün bütün şərait yaradılıb”. APA-nın məlumatlna görə, bunu Mərkəzi Seçki Komissiyasının (MSK) sədri Məzahir Pənahov deyib. O bildirib ki, ölkədə bundan əvvəlki seçkilər də yüksək səviyyədə baş tutub. M. Pənahov referenduma ciddi yanaşılmağın vacibliyini qeyd edib: “Burada seçki komissyalarının rəhbərlərinin və üzvlərinin üzərinə böyük məsuliyyət düşür. Heç kimin referenduma qeyri-ciddi və ya laqeyid yanaşmağa mənəvi haqqı yoxdur. Referenduma hazırlıq yüksək səviyyədə aparılır. Buna görə həm seçki komissiyalarının üzvlərinə seminarlar keçirilir, həm də yerlərdə maarifləndirmə işləri həyata keçirilir”. Davamı →