Monthly Archives: December 2018



ELS təbrik edir!

Azərbaycanda dekabrın 31-i Dünya Azərbaycanlılarının Həmrəylik Günü, yanvarın 1 və 2-si Yeni il qeyd olunur. Bu münasibətlə Bakı yeni il atributikası ilə bəzədilib, həm paytaxt sakinlərini, həm də şəhərimizin qonaqlarında bayram əhval-ruhiyyəsi yaradır.

ELS Müstəqil Araşdırmalar Mərkəzinin kollektivi ölkədə və dünyada yaşayan azərbaycanlıları qarşıdan gələn Dünya Azərbaycanlılarının Həmrəylik Günü və Yeni İl münasibətilə təbrik edir, əminamanlıq, cansağlığı, xoş günlər arzulayır! 

28.12.2018


Heydər Əliyev Sarayında uşaqlar üçün Yeni il şənlikləri keçiriləcək

Yanvarın 2 və 3-də Heydər Əliyev Sarayında uşaqlar üçün Yeni il şənlikləri keçiriləcək. Trend-in məlumatına görə, uşaqlara nağıl qəhrəmanları Dovşan, Qarğa, Canavar, Pirat, İfrit və Küpəgirən qarının iştirakı ilə, böyük Şam ağacının ətrafında musiqili, əyləncəli və interaktiv nağıl-tamaşa təqdim olunacaq. Davamı

28.12.2018
  

Gələn il üçün qeyri-iş günləri açıqlandı

Əmək və Əhalinin Sosial Müdafiəsi Nazirliyinin Kollegiyasının 25 dekabr 2018-ci il tarixli 12 nömrəli qərarı ilə 2019-cu ilin iş vaxtı norması və istehsalat təqvimi təsdiq edilib.

Nazirlikdən Trend-ə verilən məlumata görə, 2019-ci ilin iş vaxtı normasında qeyd olunur ki, Azərbaycan Respublikasının Əmək Məcəlləsinə və Azərbaycan Respublikasının Nazirlər Kabinetinin ‘”2019-cu ildə Novruz, Ramazan, Qurban bayramları haqqında” 2018-ci il 19 dekabr tarixli 856s nömrəli sərəncamına əsasən 2019-cu ildə 1, 2 yanvar – Yeni il bayramı, 20 Yanvar – Ümumxalq hüzn günü, 8 Mart – Qadınlar günü, 20, 21, 22, 23, 24 mart – Novruz bayramı, 9 May – Faşizm üzərində Qələbə günü, 28 May – Respublika günü, 5,6 iyun – Ramazan bayramı, 15 İyun – Azərbaycan xalqının Milli Qurtuluş günü, 26 İyun – Azərbaycan Respublikasının Silahlı Qüvvələri günü, 12,13 avqust – Qurban bayramı, 9 noyabr – Azərbaycan Respublikasının Dövlət Bayrağı günü, 31 Dekabr – Dünya Azərbaycanlılarının Həmrəyliyi günü iş günləri hesab edilmir. Davamı

27.12.2018