Prezident İlham Əliyev Zaqatalaya səfəri çərçivəsində Heydər Əliyev Fondunun təşəbbüsü ilə inşa edilmiş “Qızılgül” körpələr evi-uşaq bağçasının açılışında iştirak edib. Dövlətimizin başçısı uşaq bağçasının binasının rəmzi açılışını bildirən lenti kəsdi.

Ümumi sahəsi 1280 kvadratmetr olan bina 100 uşaq üçün nəzərdə tutulub. İkimərtəbəli binanın foyesində ulu öndər Heydər Əliyevin, Prezident İlham Əliyevin və Heydər Əliyev Fondunun prezidenti Mehriban Əliyevanın uşaqlara göstərdikləri diqqət və qayğını əks etdirən fotolar sərgilənir. Körpələr evi-uşaq bağçasında 5 qrup fəaliyyət göstərəcək. Burada 1 yaşdan 6 yaşadək uşaqların təlim-tərbiyəsi ilə məşğul olmaq üçün hərtərəfli şərait yaradılıb. Binada müəllimlər, tibb, qəbul, yataq, kompyuter otaqları, idman, oyun, musiqi zalları yaradılıb. Davamı →

Azərbaycan Respublikasının Prezidenti İlham Əliyev noyabrın 4-də Şəkiyə səfəri çərçivəsində 840 şagird yerlik Qoxmuq kənd tam orta məktəbinin yeni binasının istifadəyə verilməsi mərasimində iştirak edib.Dövlətimizin başçısı məktəbin yeni binasının rəmzi açılışını bildirən lenti kəsdi. Məktəbdə ümummilli lider Heydər Əliyevin və Prezident İlham Əliyevin həyat və fəaliyyətlərini əks etdirən fotolardan ibarət guşələr yaradılıb… Davamı →

Azərbaycan prezidenti İlham Əliyevin şimal-qərb bölgəsinə səfəri başlayıb. APA-nın yerli bürosunun xəbərinə görə, səfər Zaqatala rayonundan başlanıb. Zaqatala Mədəniyyət və İstirahət Parkında Heydər Əliyevin abidəsini ziyarət edən dövlət başçısı Müəllimlər İnstitutunun Zaqatala rayon filialının binasının açılışında iştirak edib.

Daha sonra prezident İlham Əliyev Heydər Əliyev Mərkəzinin, Heydər Əliyev Fondunun yardımı ilə tikilən körpələr evi – uşaq bağçasının, Zaqatala-Danaçı-Aşağı Çardaxlar avtomobil yolunun açılış mərasimlərinə qatılıb.

Prezident İlham Əliyev Zaqataladan Şəki rayonuna gedib. Dövlət başçısı Şəkidə də bir sıra obyektlərin açılışında iştirak edəcək.

İradə Yaqubova canlı efirdən hər kəsə dərin minnətdarlığını bildirdi

Noyabrın 4-də İctimai Televiziyanın “Yeni gün” musiqi-informasiya proqramının qonağı olan “ELS” Müstəqil Araşdırmalar Mərkəzinin sədri İradə Yaqubova 2015-ci il noyabrın 1-də ölkədə keçirilən Parlament seçkilərində apardıqları “ekzit-poll” tədqiqatına hazırlıq işləri, gedişatı, nəticələri ilə bağlı maraqlı açıqlamalarla çıxış edib. Aparıcının suallarını cavablandıran layihə rəhbəri 2008-ci ildən həyata keçirdikləri “Ekzit-poll” tədqiqatının metodikasının dünya standartlarına uyğun seçildiyini və illər ərzində dəyişmədiyini, eyni zamanda təşkilatı işlərdə sistemin təkmilləşdiyini və bir qədər fərqli aparıldığı bildirib. Onun sözlərinə görə, “ELS”-ın kadrlar bazasında 10 minə yaxın əməkdaşın olmasına baxmayaraq, bu dəfə tədqiqata hənm də yeni kadrlar, xüsusən də gənclər cəlb edilmişdir… FOTOQALEREYA VİDEO Davamı →

“ELS” Müstəqil Araşdırmalar Mərkəzi tədqiqatdan maraqlı görüntüləri təqdim edir

Parlament seçkiləri başa çatdı. Seçkiqabağı kampaniya insanların yaddaşlarında nə ilə yadda qaldı? Seçicilər Milli Məclisin yenilənmiş tərkibindən nə gözləyir? Təbii ki, vətəndaş cəmiyyətinin inkişafında özünənəxsus rol oynayan bir təşkilat kimi ELS Müstəqil Araşdırmalar Mərkəzi olaraq bu sualların cavabları bizim üçün də aktual və maraqlıdır. Düşünürük ki, Azərbaycanda keçirilən seçki prosesinin artıq bir tərkib hissəsinə çevrilmiş və “ELS” Müstəqil Araşdırmalar Mərkəzinin həyata keçirdiyi “Ekzit-poll” tədqiqatı da uzun müddət seçicilərin yaddaşlarından silinməyəcək. Noyabrın 1-də ölkənin 118 dairəsi üzrə 1180 məntəqəsində həyata keçirdiyimiz “Ekzit-poll” tədqiqatının aparıldığı Bakı və regionlardan maraqlı görüntülərini təqdim etmək istərdik: FOTOQALEREYA  Davamı →