Bölmə: Referendum 2009



18 mart referendumu ilə bağlı “Mövcud tərəflərin seçkilərdə rolu” mövzusunda silsilə tədbirlər keçiriləcək

Azərbaycanda martın 18-də keçiriləcək referendumla bağlı “Mövcud tərəflərin seçkilərdə rolu” mövzusunda silsilə tədbirlər keçiriləcək. Mərkəzi Seçki Komissiyasının (MSK) mətbuat xidmətindəndaxil olan məlumata görə, tədbir MSK, Prezident Aparatı və ATƏT-in birgə təşkilatçılığı ilə keçiriləcək. İlk tədbir sabah Bakıda baş tutacaq. Burada Prezident Aparatının müvafiq şöbələrinin nümayəndələri, yerli icra hakimiyyəti orqanlarını rəhbərləri, Dairə Seçki Komissiyalarının sədrləri iştirak edəcək. Daha sonra isə Gəncə, Şirvan və digər bölgələrdə də eyni mövzuda dəyirmi masa təşkil olunacaq. Davamı

2.03.2009


“Yeni Azərbaycan” referendum üzrə Təşviqat Qrupunun təmsilçiləri Qazax rayonunda görüşlər keçirib

Azərbaycanda martın 18-də keçiriləcək referendumla bağlı təbliğat-təşviqat kampaniyası çərçivəsində “Yeni Azərbaycan” referendum üzrə Təşviqat Qrupunun təmsilçiləri Qazax rayonunda görüşlər keçirib. Təşviqat Qrupundan verilən məlumata görə, görüşlər Qazax şəhərində, rayonun Kosalar və Çaylı kəndlərində baş tutub. Tədbirlərdə Yeni Azərbaycan Partiyasının Qazax şəhər təşkilatının sədri Həmid Pənahov, “Yeni Azərbaycan” referendum üzrə Təşviqat Qrupunun vəkili, millət vəkili Nizami Cəfərov, “Vətəndaş cəmiyyəti” referendum üzrə Təşviqat Qrupunun vəkili, “Şərq” qəzetinin baş redaktoru Akif Aşırlı, “Vətəndaş cəmiyyəti” referendum üzrə təşviqat qrupunun səlahiyyətli nümayəndəsi, Gənc Yazarlar Birliyinin sədri Əkbər Yolçuyev çıxış ediblər. Çıxışlarda Konstitusiyaya əlavə və dəyişikliklərin dövlətin bu sahədə üzərinə düşən vəzifələri daha da konkretləşdirmək məqsədi daşıdığı bildirilib.

Mənbə: www.apa.az Davamı

27.02.2009


Azərbaycanda keçiriləcək referendumu izləmək üçün Norveçdən nümayəndə heyətinin gələcəyi gözlənilir

“Azərbaycanda gedən bütün siyasi hadisələri müşahidə etdiyimiz kimi, təbii ki, referendumun gedişini də müşahidə edəcəyik”. Bunu açıqlamasında Norveçin Azərbaycandakı səfiri Yon Ramberq deyib. O bildirib ki, müşahidənin hansı formada aparılacağı hələ dəqiq bəlli deyil: “Həmin vaxt mən Azərbaycanda olmayacağam. Amma təbii ki, səfirlik bu prosesin gedişini müşahidə edəcək. Ola bilsin ki, Norveçdən nümayəndə heyəti də gəlsin. Amma bu, hələ dəqiq deyil. Çünki bu barədə qərar qəbul edilməlidir”. Səfirin sözlərinə görə, Azərbaycana gəlişi gözlənilən nümayəndə heyətinin qeyri-hökumətin təşkilatlarının təmsilçilərindən ibarət olacağı

27.02.2009


“ELS” və AVCİYA “exit-poll” keçirmək üçün MSK-ya müraciət edəcək

İki təşkilat birlikdə 2 minə yaxın şəxslə əməkdaşlıq edəcək.
“ELS” Müstəqil Araşdırmalar Mərkəzi və Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) martın 18-nə təyin olunmuş referendumda “exit-poll” keçirmək üçün bu həftə ərzində Mərkəzi Seçki Komissiyasına (MSK) müraciət edəcək. “ELS”-in rəhbəri İradə Yaqubova Lent.az-a bildirib ki, 118 dairə seçki komissiyası olmaqla 800 seçki məntəqəsində “exit-poll” keçirmək planlaşdırılıb. Hər məntəqədə 2 nəfər intervüyer (ümumilikdə 1600 nəfər), 4 məntəqədə isə 1 nəfər superveyzer (ümumilikdə 200 nəfər) fəaliyyət göstərəcək. Ümumilikdə 18 mart referendumunda “exit-poll” keçirmək üçün “ELS” və AVCİYA birlikdə 2 minə yaxın şəxslə əməkdaşlıq edəcək. Davamı

23.02.2009


Naxçıvanda referendumla bağlı seminar-müşavirələr keçirilir

Azərbaycanda martın 18-də keçiriləcək referendumla bağlı Naxçıvan Muxtar Respublikası (MR) Mərkəzi Seçki Komissiyası (MSK) tərəfindən seçkilərə hazırlığın vəziyyətinin öyrənilməsi və seçicilərin maarifləndirilməsi məqsədilə seminar-müşavirələrin keçirilməsinə başlanılıb. Naxçıvan MR MSK-nın mətbuat və ictimaiyyətlə əlaqələr şöbəsinin əməkdaşı Ramil Sadıqovun verdiyi məlumata görə, bu gün ilk tədbir 4 saylı Seçki Dairəsi üzrə Naxçıvan şəhərində baş tutub. Məntəqə seçki komissiyalarının üzvlərinin və paytaxt seçicilərinin qatıldığı tədbirdə hüquqşünaslar tərəfindən konstitusiyaya ediləcək dəyişiklərin mahiyyəti izah edilib. Növbəti mərhələdə belə seminar müşavirələri muxtar respublikanın digər bölgələrini də əhatə edəcək. Davamı

23.02.2009