Azərbaycan prezidenti İlham Əliyev Qurban bayramı münasibəti ilə Azərbaycan xalqını təbrik edib. APA-nın məlumatına görə, dövlət başçısının təbrikində deyilir:

“Hörmətli həmvətənlər! Sizi dünya müsəlmanlarının birlik və həmrəylik rəmzi olan müqəddəs Qurban bayramı münasibətilə ürəkdən təbrik edir, ən səmimi arzu və diləklərimi yetirirəm.

Demokratik prinsiplərin, dini etiqad və vicdan azadlıqlarının bərqərar edildiyi Azərbaycan Respublikasında Qurban bayramı hər il dövlət səviyyəsində böyük təntənə ilə qeyd olunur. Bu günlər ölkəmizin möminləri tərəfindən dini ayinlər yerinə yetirilir, dövlətimizin firavanlığı və tərəqqisi üçün dualar edilir, Azərbaycanın müstəqilliyi və ərazi bütövlüyü uğrunda canlarından keçmiş şəhidlərimizin ölməz xatirəsi ehtiramla yad olunur… Davamı →

Şair Məmməd Aslan dünyasını dəyişdi

Bu yolu seçdim ki, yanam, tutuşam,

Ağrılar içində qovrulan quşam.

Ömrü söz uğrunda girov qoymuşam,

Başqa sənətim yox, başqa işim yox…

Bu misraların müəllifi şair Məmməd Aslan bu gün dünyasını dəyişib. Müasir poeziyamizın görkəmli nümayəndəsi, söz ustadı Məmməd Aslan ömrü boyu yazıb-yaradıb, sözün əsl mənasında peşəsinin vurğunu olub. Onun haqqında keçmiş zamanda danışmaq nə qədər çətin olsa da, şairliyi, vətəndaşlığı və insanlığı haqqında söz demək bir o qədər asandır… Davamı →

ATƏT-in Parlament Assambleyası Azərbaycanda parlament seçkilərinə müşahidəçi göndərməkdən imtina edib. Bu barədə ATƏT PA prezidenti İlkka Kanerva bildirib. Xəbər assambleyanın saytında yerləşdirilmiş məlumatda yer alır. Kanerva ötən həftə ATƏT PA-nın daimi komitəsinin iclasında bildirib ki, bu addım Azərbaycana öz müşahidəçilərini göndərməkdən imtina edən ATƏT DTİHB-nin qərarına uyğun olaraq qəbul edilib.

“Azərbaycan hökuməti bizim ənənəvi tərəfdaşımıza – Demokratik Təsisatlar və İnsan Hüquqları Bürosuna məhdudiyyətlər qoyub. Nəticədə DTİHB Azərbaycanda nəzərdə tutulmuş müşahidə missiyasını ləğv edib. Mühüm tərəfdaşımız seçkiləri müşahidə edə bilmirsə, biz də bunu etməyəcəyik”, deyə İlkka bildirib.

2017-ci ildə Bakıda keçiriləcək IV İslam Həmrəylik Oyunlarının Təşkilat Komitəsinin Azərbaycan prezidenti İlham Əliyevin sədrliyi ilə birinci iclası keçirilib. APA-nın məlumatına görə, prezident İlham Əliyev 2017-ci ildə Bakıda IV İslam Həmrəylik Oyunlarının keçiriləcəyini bildirərək bu Oyunların həm dünya, həm İslam aləmi üçün əhəmiyyətini qeyd edib.

İslam Həmrəylik Oyunlarının Azərbaycanı bir daha dünyada böyük nüfuza malik ölkə kimi nümayiş etdirəcəyini deyən dövlət başçısı bu idman tədbirinin yüksək səviyyədə keçirilməsi üçün Azərbaycanın əlindən gələni edəcəyini vurğulayıb… Davamı →

“AŞPA seçkiqabağı nümayəndə heyəti Azərbaycan rəhbərliyinin açıqlığını və qarşıdan gələn parlament seçkilərini müşahidə etmək üçün çoxlu sayda beynəlxalq təşkilatlara, o cümlədən ATƏT Demokratik Təsisatlar və İnsan Haqları Bürosuna göndərilən dəvətləri alqışlayır”. APA-nın məlumatına görə, bu barədə Avropa Şurası Parlament Assambleyasının seçkiqabağı nümayəndə heyətinin bəyanatında deyilir… Davamı →