Azərbaycanda Konstitusiyaya ediləcək əlavə və dəyişikliklərlə bağlı keçiriləcək referendumda yerli qeyri-hökumət təşkilatları birgə “exit-poll” (alternativ səsvermə aparılması) və müşahidəçilik missiyası həyata keçirəcəklər.
“ELS” Müstəqil Araşdırma Mərkəzi referendumda 118 seçki dairəsinin 800 məntəqəsində “exit-poll” aparacaq, cümə günü Trend Xəbərlər Şirkətinin Beynəlxalq Mətbuat Mərkəzində keçirilən brifinqdə mərkəzin rəhbəri İradə Yaqubova bildirib. Davamı
Avropa Şurasının Venesiya Komissiyası referenduma çıxarılacaq Konstitusiyaya əlavə və dəyişiklərlə bağlı rəyinin ilkin variantını bu gün Azərbaycan tərəfinə təqdim edəcək.
Bu barədə Venesiya Komissiyasından məlumat verilib. Komissiyadan bildirilib ki, hüquqi ekspertiza üçün təqdim olunmuş sənədlər üzərində iş aparılan zaman Azərbaycan tərəfi ilə əməkdaşlıq edilib, prezident administrasiyası lazım olan bütün sənədləri təqdim edib, yaranan suallara aydınlıq gətirib. Davamı
Martın 18-də keçiriləcək referendumu izləmək üçün Mərkəzi Seçki Komissiyasında (MSK) 1395 müşahidəçi qeydiyyatdan keçib. MSK-nın mətbuat xidmətindən verilən məlumata görə, qurumda müşahidəçilərin qeydiyyatı martın 8-də dayandırılacaq. Dairə Seçki Komissiyalarında (DSK) isə 21 min 627 müşahidəçi qeydə alınıb. DSK-larda müşahidəçilərin qeydiyyatı martın 13-də səsverməyə 5 gün qalmış dayandırılacaq. MSK-da qeydə alınmış müşahidəçilər bütün ölkə ərazisində istənilən seçki dairəsində, DSK-da qeydə alınan müşahidəçilər isə konkret bir seçki dairəsinin ərazisində müşahidə aparmaq hüququna malik olacaqlar. Müraciət edən bütün müşahidəçilər müşahidəçilik vəsiqəsi ilə təmin olunublar.
Mənbə: www.apa.az Davamı
Avropa Şurası Parlament Assambleyasının (AŞ PA) müşahidə missiyası martın 18-də Azərbaycanda keçiriləcək referendumu izləyəcək. Bu açıqlamasında Milli Məclisin AŞ PA-dakı nümayəndə heyətinin rəhbəri Səməd Seyidov deyib. O bildirib ki, hazırda missiyanın tərkibi formalaşmaqdadır: “Missiya üzvlərinin sayı 7-9 nəfər olacaq. Qrupa böyük ehtimalla belçikalı deputat Pol Villi başçılıq edəcək”.
Mənbə: www.apa.az Davamı
“Azərbaycan Konstitusiyasına dəyişikliklərlə bağlı martın 18-də keçiriləcək referendum pozitiv xarakter daşıyır”. Bu açıqlamanı AŞ PA Monitorinq Komitəsinin üzvü, britaniyalı deputat Maykl Henkok verib.
“Azərbaycan Konstitusiyasına dəyişikliklərlə bağlı martın 18-də keçiriləcək referendum pozitiv xarakter daşıyır”. Bu açıqlamanı AŞ PA Monitorinq Komitəsinin üzvü, britaniyalı deputat Maykl Henkok verib. Davamı
