«ELS» Müstəqil Araşdırmalar Mərkəzi 15 oktyabr prezident seçkiləri günü «Exit-poll» keçiriləcək intervüer və supervayzerlərin və «Quick-count» aparacaq müşahidəçilərin ötürəcəyi informasiyanı qəbul edəcək telefonçuların və həmin informasiyanı kompüterə yığacaq operatorların hazırlanması məqsədilə treninqlər təşkil edib. Treninqlərdə telefonçu qismində iştirak edən şəxslərə «Exit-poll» təqiqatında məlumatlar ötürülərkən onun qeydiyyatının aparılması və burada gözlənilən dəqiqlik izah olunub. Eyni zamanda təlim prosesində informasiyanın alınması və ötürülməsi mərhələsi təcrübdən keçirilib və iştirakçıların sualları cavablandırılıb. Davamı →

«ELS» Müstəqil Araşdırmalar Mərkəzi oktyabrın 6-da Şəki, Qax, Zaqatala, Balakən rayonları üzrə seçkiyə düşən məntələqələrdə «Exit-poll» keçirəcək intervüer və supervayzerlər üçün treninqlər təşkil edib. Şəki şəhərində treninqlərin ikinci mərhələsində keçirilən təlimlərə qatılan iştirakçılara tədqiqat və dəyişikliklər haqqında bir daha məlumat verilib. Həmçinin təlimdə «Exit-poll»un keçirilməsi və məlumatın ötürülməsi praktik şəkildə həyata keçirilib. Davamı →

Mərkəzi Seçki Komissiyasında (MSK) oktyabrın 2-də keçirilən iclasında prezident seçkisində «Exit-poll» keçirmək istəyən yerli QHT-lərin akkreditasiya məsələsinə baxılıb. MSK-nın qərarı ilə Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) və «ELS» Müstəqil Araşdırmalar Mərkəzi, «Vətəndaş Cəmiyyəti Uğrunda» Müstəqil Məsləhət və Yardım Mərkəzi, «Rəy» Monitorinq Mərkəzinin «Exit-poll» tədqiqatı ilə bağlı müraciətləri müsbət cavablandırılıb. Bununla bağlı yerli mətbuat orqanlarında, informasiya agentliklərində, xəbər portallarında, televiziya və radiolarda MSK-nın qərarını əks etdirən informasiya yer alıb və ölkə ictimaiyyətinin diqqətinə çatdırılıb. «ELS» Müstəqil Araşdırmalar Mərkəzi və AVCİYA ilə bağlı bu xəbər «Xalq», «525-ci qəzet», «Olaylar», «Exo», «İki sahil», «Şərq», «Xalq Cəbhəsi», «Üç nöqtə», «Azerbaydjanskie izvestiya», «Mərkəz», «Paralel», «Kaspi», «Qərbi Azərbaycanın Səsi», «Xəbər Xətti» qəzetlərində geniş yer alıb. Adları çəkilən print medianın hər birində «ELS» Müstəqil Araşdırmalar Mərkəzi və AVCİYA-nın 800 məntəqədə «Exit-poll» keçirəcəyi vurğulanıb. Həmçinin bu proses 1600 intervüer və supervayzer tərəfindən həyata keçiriləcək ki, onlara da 86 koordinator nəzarət edəcək. Davamı →

«ELS» Müstəqil Araşdırmalar Mərkəzi 3-4 oktyabr tarixində Şirvan, Hacıqabul, Sabirabad, Saatlı, İmişli, Beyləqanda seçimə düşən məntəqələrdə «Exit-poll» keçirəcək intervüer və supervayzerlər üçün treninqlərin ikinci mərhələsində təlimlər keçirilib. Oktyabrın 3-də Şirvan şəhərində keçirilən təlimdə iştirakçılara bir daha «Exit-poll» tədqiqatının aparılması üçün müvafiq qaydalar barədə məlumat verilib. Seçki günü intervüer və supervayzerlər anket və sorğu vərəqələrindən istifadə mexanizmi ilə bağlı təlimçini diqqətlə dinləyiblər. Şirvan şəhərində keçirilən treninqdə Hacıqabuldan olan intervüer və supervayzerlər də iştirak edib. Davamı →

«ELS» Müstəqil Araşdırmalar Mərkəzi oktyabrın 4-də Göyçay, Zərdab, Ağdaş, Ucar və Kürdəmir rayonlarında seçkiyə düşən məntəqələrdə «Exit-poll» keçirəcək intervüer və supervayzerlər təlimlərə cəlb olunub. İlkin olaraq, treninqlərin ikinci mərhələsində keçirilən təlimdə Göyçay rayonu üzrə seçki günü «Exit-poll» tədqiqatını aparacaq intervüer və supervayzerlər iştirak edib. Müvafiq qaydalar iştirakçılara yenidən izah edildikdən sonra «Exit-poll»un keçirilməsi prosesi əyani şəkildə göstərilib. Treninq zamanı qarşıya çıxan suallar təlimçi tərəfindən cavablandırılıb. Davamı →