“Azərbaycanda keçiriləcək referendumun yüksək səviyyədə təşkili üçün bütün şərait yaradılıb”. APA-nın məlumatlna görə, bunu Mərkəzi Seçki Komissiyasının (MSK) sədri Məzahir Pənahov deyib. O bildirib ki, ölkədə bundan əvvəlki seçkilər də yüksək səviyyədə baş tutub. M. Pənahov referenduma ciddi yanaşılmağın vacibliyini qeyd edib: “Burada seçki komissyalarının rəhbərlərinin və üzvlərinin üzərinə böyük məsuliyyət düşür. Heç kimin referenduma qeyri-ciddi və ya laqeyid yanaşmağa mənəvi haqqı yoxdur. Referenduma hazırlıq yüksək səviyyədə aparılır. Buna görə həm seçki komissiyalarının üzvlərinə seminarlar keçirilir, həm də yerlərdə maarifləndirmə işləri həyata keçirilir”. Davamı →

Azərbaycan 2016-cı ildə Braziliyanın Rio-de-Janeyro şəhərində baş tutan XXXI Yay Olimpiya Oyunlarında böyük uğurla iştirak edib. 5-21 avqust tarixləri arasında Braziliyada baş tutan XXXI Yay Olimpiya Oyunlarında ölkəmiz 56 idmançı ilə 17 idman növündə təmsil olunub. Azərbaycan idmançıları “Rio-2016” Yay Olimpiya Oyunlarında 18 medal (1 qızıl, 7 gümüş və 10 bürünc) qazanıb.

“ELS” Müstəqil Araşdırmalar Mərkəzi “Rio-2016” Yay Olimpiya Oyunlarında iştirak edən və qələbə qazanan bütün idmançıları qələbə münasibətilə təbrik edir. Bu Olimpiya Oyunlarında Azərbaycan idmançıları növbəti dəfə öz xalqına qələbə sevinci nəsib edib.  Davamı →

Azərbaycan Respublikası Konstitusiyasına dəyişikliklərlə bağlı 26 sentyabr 2016-cı il tarixində növbəti dəfə referendum keçiriləcək. Prezident İlham Əliyevin iyulun 18-də imzaladığı sərəncama əsasən “Azərbaycan Respublikasının Konstitusiyasında dəyişikliklər edilməsi haqqında” 29 maddədən ibarət Azərbaycan Respublikasının Referendum Aktının layihəsi Azərbaycan Respublikasının Konstitusiya Məhkəməsinə göndərilib. Azərbaycan Konstitusiya Məhkəməsi Plenumunun iyulun 25-də keçirilən iclasında Azərbaycan Prezidenti İlham Əliyev tərəfindən Konstitusiyaya təklif edilən dəyişikliklərin Azərbaycan Konstitusiyasının tələblərinə uyğunluğu barədə əsaslandırılmış rəy verilib. Davamı →

Bakı Uşaq Teatrının “Günay” Teatr-Studiyasının gənc istedadları Soçidə “Yaradıcı zirvə” adı altında keçirilmiş ХХ Beynəlxalq müsabiqə-festivaldan 5 mükafatla Vətənə dönüblər. Mükafatlar arasında teatr nominasiyası, bədii söz nominasiyası, ansambl xoreoqrafiyası, solo xoreoqrafiq nominasiya və “Ən yaxşı teatr geyimi” üçün diplom var.

Qeyd etmək lazımdır ki, müsabiqə Krasnodar rayonunun “Təhsil, Elm və Gənclər Siyasəti” Nazirliyinin Gənclər Siyasəti Departamentinin dəstəyilə keçirilmişdir. Festivalın münsiflər heyəti Rusiya Federasiyasının incəsənət xadimlərindən ibarət idi. Burada Rusiya, Azərbaycan və Özbəkistandan 18 kollektiv iştirak edirdi. 8-16 yaş arası 12 gənc Azərbaycan incəsənətini Rusiyada layiqincə təmsil edərək, Vətənə 5 mükafat la qayıtmışlar. Davamı →

İyun ayının 1-də Bakı Şəhər İcra Hakimiyyəti Yaşıl Teatrda  Uşaqları Beynəlxalq Müdafiə Gününə həsr edilmiş konsertlər silsiləsinə start verdi. Uşaq bağçaları və uşaq evlərinin yetirlmələri rəngarəng mahnı və rəqslərlərdən ibarət konsert göstərdilər. Konsert nəinki azyaşlı tamaşaçılar və onların valideynlərinə, həm də gənc ifaçıların özlərinəböyük sevinc bəxş etdi.

Konsertin ərsəyə gətirənlər arasında onun quruluşçu-rejissoru “ELS-Müstəqil Araşdırmalar Mərkəzi” İctimai Birliyinin keçirdiyi “Yeni Uşaq Mahnıları-2013” müsabiqəsinin “Yeni nəsl” nominasiyasının qalibi Səbinə Ağaşirinova olmuşdur. Səbinənin yazdığı uşaq nagılları, təmsil və şerləri, onlara çəkdikləri şəkillərlərwww.meneviservetimiz.az saytının “İlk qələmlər” bölməsində yerləşdirilmişdir. İllər uzunu bağça müəlliməsi işləyən və körpələrə böyük məhəbbətlə yanaşan, indi isə İncəsənət Universitetinin rejissorluq fakultəsinin tələbəsi olan Səbinə yenə də böyük həvəslə uşaq bayramının təşkilinə qatıldı və uğurlu bir nəticə əldə etdi. Təbrik edirik! FOTOQALEREYA  Davamı →