Azərbaycan Respublikası Prezidentinin İctimai-siyasi məsələlər üzrə köməkçisi Əli Həsənov Avropa Parlamentinin Azərbaycanla bağlı qəbul etdiyi qətnaməni şərh edib. APA-nın məlumatına görə, Ə. Həsənov “AZƏRTAC”a bildirib ki, Azərbaycan müstəqil siyasət yürüdən, demokratik, dinamik inkişaf edən və yüksək beynəlxalq nüfuza malik ölkədir: “Azərbaycanda vətəndaş cəmiyyəti inkişaf edir, hər kəsin fikir, söz və məlumat azadlığı təmin olunub, siyasi partiyaların, qeyri-hökumət təşkilatlarının və kütləvi informasiya vasitələrinin fəaliyyəti üçün zəruri şərait yaradılıb.

Bu gün ölkədə onlarla siyasi partiya, yüzlərlə QHT, media orqanı heç bir maneə olmadan, sərbəst şəkildə fəaliyyət göstərir, internet azadlığı tam təmin edilib. Davamı →

“Bu gün Avropa Parlamenti Azərbaycanla bağlı qəbul etdiyi qərəzli və sifarişli qətnaməsi ilə ölkəmizə münasibətdə özünün ikiüzlü mahiyyətini bir daha nümayiş etdirmiş oldu”.

“Report” xəbər verir ki, bunu ATƏT-in Parlament Assambleyasının Siyasi Məsələlər və Təhlükəsizlik Komitəsinin sədr müavini Azay Quliyev bu gün Avropa Parlamentinin Azərbaycana qarşı qəbul etdiyi qərəzli qətnaməyə münasibət bildirərkən deyib.

Onun sözlərinə görə, qətnamədə səslənən ittihamlar o qədər absurddur ki, onları şərh etməyə belə dəyməz:

“İnsan hüquq və azadlıqlarının hər gün kobud şəkildə pozulduğu, müsəlmanların daima təzyiq və diskriminasiyaya məruz qaldığı, özlərinin viran qoyduğu ölkələrdən məcburən Avropaya pənah gətirən miqrantların (uşaqların, qadınların və qocaların) acımadan qətlə yetirildiyi, zor tətbiq edilərək döyüldüyü, qucağında uşaq olan ahılın qaçan zaman avropalı jurnalist tərəfindən “ayaq qoyaraq” yıxıldığı bir vaxtda Avropanın “baş bilən”lərinin yığışıb bu biabırçılığa qiymət vermək əvəzinə Azərbaycanı hədəfə almaları təkcə siyasi paradoks deyil, həm də riyakarlıqdır. Davamı →

Bu gün Avropa Parlamenti (AP) Azərbaycanla bağlı qətnamə qəbul edib. APA-nın xəbərinə görə, qətnamənin lehinə 365, əleyhinə 202 parlamentar səs verib, 72 nəfər bitərəf qalıb. Qətnamədə parlamentarlar Avropa İnsan Haqları Məhkəməsinin qərarlarına uyğun olaraq insan haqları müdafiəçilərinin, jurnalist və digər vətəndaş cəmiyyəti fəallarının tez və şərtsiz azad edilməsinə çağırıblar.

Qətnamədə Azərbaycan hökuməti universal insan haqlarına hörmətlə yanaşmağa, tələblər yerinə yetirilməyənə qədər Strateji Əməkdaşlıq Razılaşması üzrə danışıqların dayandırılmasına çağırılır. Parlament Avropa Komissiyasını insan haqları, vətəndaş cəmiyyəti və Avropa Qonşuluq Aləti çərçivəsində Azərbaycana insanlararası münasibətlərə dair kütləvi layihələri çıxmaq şərti ilə maliyyə ayrılmasını yenidən nəzərdən keçirməyə də çağırıb. Davamı →

Prezident İlham Əliyev ölkənin Milli Məclisinə seçkilərin təyin edilməsi haqqında sərəncam imzalayıb. Azərbaycan Respublikasının Milli Məclisinə seçkilərin təyin edilməsi haqqında Azərbaycan Respublikası Prezidentinin Sərəncamında deyilir: “Azərbaycan Respublikası Konstitusiyasının 84-cü maddəsinin II hissəsini və 109-cu maddəsinin 1-ci bəndini rəhbər tutaraq qərara alıram: Azərbaycan Respublikasının Milli Məclisinə seçkilər 2015-ci il noyabrın 1-nə təyin edilsin”.

Azərbaycanın birinci xanımı, ictimai xadim, millət vəkili, YUNESKO-nun xoşməramlı səfiri, Heydər Əliyev Fondunun prezidenti, gözəl qadın….bu sadalamanı davam etdirmək də olar, amma heç bir söz bir şəxsiyyət kimi onun mahiyyətini əks etdirə bilməz. “Xoşbəzt ulduz altında doğulub” ifadəsi məhz ona – Azərbaycanın dahi şəxsiyyəti Heydər Əliyevin gəlini, dəyişməz lideri İlham Əliyevin həyat yoldaşı Mehriban xanım Əliyevaya məxsusdur. Bu gün o, doğma və yaxınları ilə birgə doğum gününü qeyd edir.

Azərbaycan xalqının mədəni irsini beynəlxalq aləmdə təbliğ edən Mehriban Əliyevanın ictimai fəaliyyəti geniş və çoxşahəlidir. Son illər ərzində həm ölkə, həm də onun hüdudlarından kənarda apardiğı işlərə görə layiq görüldüyü orden və mükafatların sayı-hesabı yoxdur. Elə təkçə Azərbaycanda ilk Avropa oyunlarının keçirilməsi ilə bağlı dünya miqyasında gördüyü işlər bu gün də hər kəsin gözü qarşısında canlanır və hələ uzun illər onun təşkilatçılığı ilə baş tutan bu möhtəşəm tədbirin əks-sədası gələcək.

“ELS” Müstəqil Araşdırmalar Mərkəzinin  kollektivi Azərbaycanın birinci xanımı Mehriban Əliyevanı doğum günü münasibəti ilə təbrik edir, ona qadın xoşbəxtliyi, möhkəm can sağlığı və Azərbaycan xalqının rifahı naminə gördüyü çoxşahəli və məsuliyyətli fəaliyyətində yeni-yeni uğurlar arzulayır!