Tələbə Qəbulu üzrə Dövlət Komissiyası (TQDK) 2015-ci ildə Azərbaycanda keçiriləcək buraxılış və qəbul imtahanları ilə bağlı yeni qaydaları açıqlayıb.

TQDK-nın mətbuat xidmətindən APA-ya verilən xəbərə görə, komissiyanın kollegiyasının 14.01.2015-ci il tarixli qərarlarına əsasən bu ildən etibarən ixtisas qruplarının sayı dörddən beşə artırılıb. V ixtisas qrupuna xüsusi qabiliyyət tələb edən ixtisaslar daxildir (I ixtisas qrupuna daxil olan Memarlıq və Dizayn (memarlıq və dizayn istiqaməti) ixtisasları istisna olmaqla). Davamı →

Tələbə Qəbulu üzrə Dövlət Komissiyası (TQDK) 2015-ci ildə keçiriləcək qəbul imtahanlarının vaxtını açıqlayıb. TQDK-nın mətbuat xidmətindən APA-ya verilən xəbərə görə, ali məktəblərə daxil olmaq istəyənlər üçün ərizə qəbulu 1 aprel – 30 aprel tarixlərində aparılacaq.

II və III qruplar üzrə qəbul imtahanı (əvvəlki illərin məzunları) 17 may, I və IV qruplar üzrə qəbul imtahanı (əvvəlki illərin məzunları) 24 may, I və IV qruplar üzrə qəbul imtahanı (cari ilin məzunları) 14 iyul, II və III qruplar üzrə qəbul imtahanı (cari ilin məzunları) 25 iyul tarixində keçiriləcək.

“Azərbaycan mətbəxi” kitabı “Dünya Qurman Yemək Kitabı – 2014” mükafatının qalibi olub. Böyük Britaniyanın “Saqi Books” nəşriyyat evinin Tahir Əmiraslanov və Leyla Rəhmanovanın köməyi ilə hazırlanan “Azərbaycan mətbəxi” kitabı “Ən yaxşı Şərqi Avropa kitabı” və “Ən yaxşı yemək kitabı” kateqoriyasında “Dünya Qurman Yemək Kitabı – 2014” mükafatını qazanıb. Bu barədə Trend-ə Mədəniyyət və Turizm Nazirliyindən məlumat verilib. Davamı →