Heydər Əliyev Fondu “Eurovision-2012” mahnı müsabiqəsinin finalına Ekaterinburqdan Bakıya iki əlil qızı – Kseniya Kamenskaya və Svetlana Duşkinanı dəvət edib. Qubernatorun informasiya departamentindən bildiriblər ki, Ural uşaqları Heydər Əliyev Fondunun təşkil etdiyi Beynəlxalq müsabiqənin Rusiayadan olan qalibləridir.
“Müsabiqə komissiyasının fikrincə, Azərbaycan haqqında ən yaxşı inşanı məhz Ural uşaqları yazıb. İndi onlar valideynləri ilə Bakıda keçiriləcək “Eurovision-2012” mahnı müsabiqəsinin finalına gedəcəklər” – deyə, Departamentdən vurğulayıblar. Sverdlovsk vilayətinin beynəlxalq və xarici iqtisadi əlaqələr naziri Aleksandr Xarlov vilayətdə fəaliyyət göstərən bir çox xarıcı təşkilatların xeyriyyəçiliklə məşğul olduqlarını qeyd edib: “Xeyriyyəçiliyin formaları müxtəlifdir: ayrı-ayrı sosial layihələrin maliyyələşdirilməsi, reabilitasiya mərkəzləri və uşaq evlərinə hamilik və s. Bu cür aksiyalar insanlar arasında əlaqələrin yaradılmasına səbəb olmaqla tərəfləri yaxınlaşdırır və sevinc bəxş edir. Çox şadam ki, qızlarımız gözəl Bakını görəcək, dünyaşöhrətli müsabiqənin mərkəzində olacaq və yeni dostlar tapacaqlar”.
Xatırladaq ki, bir müddət əvvəl Heydər Əliyev Fondu iştirakçı dövlətlərdə “Mən Azərbaycanı kəşf edirəm” mövzusunda inşa müsabiqəsi elan edilib. Azərbaycanı tanımaq, tarixi və zəngin mədəniyyəti ilə daha yaxından tanış olmaq imkanı yaradan müsabiqənin yalnız fiziki qüsurlu uşaq və yeniyetmələr arasında keçirilməsi Heydər Əliyev Fondunun önəm verdiyi humanizm prinsiplərindən irəli gəlib.
