“ELS-Müstəqil Araşdırmalar Mərkəzi” İctimai Birliyi 2017-ci ilin oktyabr ayında Azərbaycan Respublikasının Standartlaşdırma, Metrologiya və Patent üzrə Dövlət Komitəsinin (SMPDK) sifarişi ilə Azərbaycan Respublikasının Prezidentinin 27 aprel 2016-cı il tarixli Sərəncamı ilə təsdiq edilmiş “Azərbaycanda Açıq hökumətin təşviqinə dair 2016-2018-ci illər üçün Milli Fəaliyyət Planı” çərçivəsində “Açıq hökumət və korrupsiyanın qarşısının alınması üzrə tədbirlərin icra vəziyyəti və qiymətləndirilməsi ilə bağlı ixtisaslaşmış sorğuların, araşdırmaların keçirilməsi və nəticələrinin elan edilməsi” layihəsini həyata keçirmişdir.
Layihə çərçivəsində SMPDK tərəfindən sahibkarlıq fəaliyyətinin həyata keçirilməsi üçün yaradılmış mövcud şəraitin öyrənilməsi, komitənin fəaliyyətinə sahibkarların münasibətini öyrənmək məqsədi ilə rəy sorğusu keçirilmişdir.
Sorğu nəticələri bu gün Beynəlxalq Mətbuat Mərkəzində mətbuat konfransında təqdim edilmişdir.
