Dəvəçi və Xızı rayonlarında təlimlərin birinci mərhələsi başa çatıb

«ELS» Müstəqil Araşdırmalar Mərkəzi sentyabrın 19-da Dəvəçi rayonunda və Xızı rayonunun Şurabad qəsəbəsində «Exit-poll»a düşən seçki məntəqələrində iştirak edəcək intervüer və supervayzerlər üçün treninqlər təşkil olunub. Treninqlərin birinci mərhələsində keçirilinə təlimdə iştirak edən intervüer və supervayzerlərə funksiya və vəzifələri izah edilib. Təlimçi «Exit-poll»da istifadə olunacaq mövcud anket və sorğu vərəqələrinin formaları barədə və həmin sənədlərlə işləmə qaydaları haqqında məlumat verib. İştirakçıların «Exit-poll»a aid suallarını cavablandıran təlimçi həmçinin, seçki günü intervüer və supervayzerlərin qarşılaşacaqları problemlərin aradan qaldırılması ilə bağlı mövcud qaydalardan danışıb. Təlim zamanı intervüer və supervayzerlərin siyahısı və dislokasiyası müəyyənləşdirilb.