«ELS» Müstəqil Araşdırmalar Mərkəzi tərəfindən sentyabrın 12 və 13-də  Göyçay və Kürdəmirdə 15 oktaybr prezident seçkilərində «Exit-poll» keçirəcək intervüer və supervayzerlər treninqdə iştirak edib. Sentyabrın 12-də Göyçay rayonunda keçirilən treninqdə eyni zamanda Ağdaş, Ucar, Zərdab rayonlarının intervüer və supervayzerləri də cəlb olunub… Bu treninqdə iştirak edən intervüer və supervayzerlər seçki günü atacağı addımlar, funksiya və vəzifələri izah edilib. Treninq zamanı iştirakçıları maraqlandıran suallar təlimçi tərəfindən cavablandırılıb. Təlimçilər tərəfindən müvafiq sənədlər treninq iştirakçılarına göstərilib və ondan istifadə qaydaları izah olunub. Davamı →

«ELS» Müstəqil Araşdırmalar Mərkəzi sentyabrın 13-də Salyan və Neftçala şəhərlərində «Exit-poll»da iştirak edəcək intervüer və supervayzerlər üçün treninqlər keçirib. İlkin olaraq Salyanda rayon ərazisində «Exit-poll»a düşən seçki məntəqələrində iştirak edəcək 12 intervüer, 3 supervayzer və 4 nəfər ehtiyat kimi nəzərdə tutulanlar treninqə cəlb edilib. Buradakı təlimlərə təlimçi kimi Nəzirməmməd Quliyev qatılıb. Eyni zamanda treninqdə «ELS» Müstəqil Araşdırmalar Mərkəzinin rəhbəri İradə Yaqubova da iştirak edib. Təlim zamanı Salyan rayonu üzrə intervüer və supervayzerlərə funksiyaları və vəzifələri izah edilib. Həmçinin onlara mövcud anket və sorğu vərəqələrinin formaları təqdim olunub. Treninqdə «Exit-poll» iştirakçılarının yekun siyahısı və dislokasiyası müəyyənləşib və sonda iştirakçıların sualları cavablandırılıb. Davamı →

«ELS» Müstəqil Araşdırmalar Mərkəzi sentyabrın 12-dən 16-dək Bakıda və Abşeron rayonunda prezident seçkisi günü dairə və məntəqələrdə «Exit-poll» keçirəcək intervüer və supervayzerlər  treninqlərə cəlb olunub. Ayrı-ayrı vaxtlarda keçirilən təlimlərdə Bakının Yasamal, Səbail, Binəqədi, Sabunçu, Nizami, Nəsimi, Əzizbəyov və Nərimanov rayonunda seçki günü məntəqələrdə «exitpoll» keçirəcək şəxslər işitrak edib. Bu təlimlərdə intervüer və supervayzerlərə funksiya və vəzifələri izah edilib. Eyni zamanda iştirakçılar seçki günü «Exit-poll» zamanı istifadə olunacaq müvafiq sənədlərlə tanış olublar. Onlara bu sənədlərin doldurulma qaydaları haqqında ətraflı məlumatlandırılıblar. Təlimlərin sonunda iştirakçıları maraqlandıran sualları təlimçilər cavablandırıblar. Davamı →

Sentyabrın 13 və 14-də «ELS» Müstəqil Araşdırmalar Mərkəzi Lənkəran və Lerik rayonlarında oktyabrın 15-də keçiriləcək prezident seçkilərində «Exit-poll» keçirəcək intervüer və supervayzerlər üçün treninqlər keçirib. Seminarın birinci günü Lənkəran rayonunda keçirilən treninqdə xeyli sayda intervüer və supervayzer iştirak edib. Müxtəlif səbəblərdən treninqdə iştirak etməyən 7 nəfərə ertəsi gün, Lerik rayonunda keçirilən seminar başa çatdıqdan sonra yenidən Lənkərana qayıdan təlimçilər tərəfindən təlim keçilib. Qeyd edək ki, Lənkəranda baş tutan bu seminarda ATƏT nümayəndələri  Xose Luis Menendez və Botagöz Əbilova yaxından iştirak ediblər. Beynəlxalq təşkilatın təmsilçiləri təlim prosesini diqqətlə izlədikdən sonra təlimçilərə suallar ünvanlayıblar. Sentyabrın 14-də isə təlimçilər Lerik rayonunda olublar. Onlar burada «Exit-poll» da iştirak edəcək intervüer və supervayzerlər üçün seminar təşkil edilib. Burada seminarda iştirak edənlərə təlimçilər tərəfindən seçki günü onların görəcəyi işlər barədə məlumatlar verilib və onları maraqlandıran sualları cavablandırıblar. Xatırladaq ki, Lənkəran və Lerik rayonları üzrə intervüer və supervayzerlər üçün treninqlər keçirilməsi davam etdiriləcək. Davamı →