Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) 18 mart 2009 – cu il tarixidə keçiriləcək refendumla bağlı geniş fəaliyyət proqramını mərhələlər üzrə həyata keçirir. Bununla bağlı AVCİYA  Seçki Qərargahı reeferenduma hazırlıq mərhələsini, referendum gününü və referendumndan sonrakı proseslərin monitorinqini həyata keçirmək üçün yanvar ayının 10 – dan intensiv fəaliyyətə başlayıb. Monitorinq prosesində 15 qəzet (“Azərbaycan”, “Yeni Azərbaycan”, “Üç nöqtə”, “Həftə içi”, “Xalq cəbhəsi”, “Ədalət”, “Şərq” «Səs», «Yeni Müsavat», «Azadlıq», «Bizim yol» , «Exo», «Zerkalo», «Ekspress», «525-ci qəzet») və 4  telekanalın (İTV, Az.TV, ANS, «Lider») fəaliyyətinin də müşahidəsi həyata keçirilir. Davamı →

Avropa Şurasının Venesiya Komissiyasının ekspertləri Azərbaycanda Konstitusiyaya əlavə və dəyişikliklərlə bağlı referenduma təqdim olunmuş təklifləri öyrənməyə başlayıb.

Bu barədə Venesiya Komissiyasının seçkilər və referendumlar şöbəsinin əməkdaşı Sergey Kuznetsov məlumat verib. O bildirib ki, referenduma çıxarılacaq əlavə və dəyişikliklərə hüquqi rəy vermək xahişi komissiyaya Avropa Şurası Parlament Assambleyasından daxil olub. S. Kuznetsov deyib ki, öyrənilməsi lazım olan sənədlər artıq VK-ya təqdim edilib. Hazırlanacaq rəy komissiyanın martın 13-14-də keçiriləcək plenar sessiyasında müzakirə olunacaq.

Mənbə: www.apa.az Davamı →

Martın 18-də keçiriləcək referendumu izləmək üçün seçki komissiyalarına bu günə qədər 2580 nəfər müraciət edib. Bu barədə Mərkəzi Seçki Komissiyasının (MSK) hüquq şöbəsindən məlumat verilib. Müraciətlərin 354-ü MSK-ya, 2226-sı isə dairə seçki komissiyalarına ünvanlanıb. Müşahidəçilərin qeydiyyatı səsvermə gününə 10 gün qalanadək davam edəcək. MSK-ya müraciət etmiş şəxslər istənilən seçki dairəsində, DSK-lara müraciət edənlər isə müraciət etdikləri seçki dairəsinin ərazisindəki seçki məntəqələrində müşahidə aparmaq hüququna malik olacaqlar.

Mənbə: www.apa.az Davamı →

Bu gün Mərkəzi Seçki Komissiyasının (MSK) növbəti toplantısı keçirilib. Iclasda bu il martın 18-ə təyin olunmuş referendumda iştirak edəcək təşviqat qruplarına ayrılan pulsuz efir vaxtının bölgüsünün həyata keçirilməsi üçün Püşkatma Komissiyası yaradılıb. Komissiyaya MSK üzvləri Azər Tağıyev, Fuad Cavadov, Almas Qəhrəmanlı, MSK-nın şöbə müdirləri İradə Cavadova və Azər Sarıyev daxil edilib. Efir vaxtının bölgüsü üçün fevralın 18-də püşkatma keçiriləcək. Davamı →

Avropa Şurası Parlament Assambleyasının (AŞPA) Bürosunun dünən keçirilən iclasında Azərbaycanda keçiriləcək referenduma qurumun müşahidəçilərinin göndərilməsi barədə qərar qəbul edilib. “Azərbaycanda keçiriləcək referenduma az vaxt qaldığından, bununla bağlı Avropa Şurasının hər hansı xüsusi toplantısı olmayacaq. Büro qərara gəlib ki, böyük tərkibdə müşahidə missiyasına ehtiyac yoxdur, lakin Avropa Şurasının 10-a yaxın deputatı referendumu müşahidə edəcək” – deyə “Trend News”a Azərbaycanın AŞPA-dakı nümayəndə heyətinin rəhbəri, qurumun vitse-prezidenti Səməd Seyidov bildirib: “Azərbaycan tərəfi heç vaxt Venesiya Komissiyasına qarşı çıxmayıb. Komissiyanın ekspertləri ilə məsləhətləşməliyik. Ancaq bu, Azərbaycan xalqının iradəsinə aid olan bir məsələdir və xalq martın 18-də fikrini və mövqeyini bildirəcək”.

Mənbə: www.apa.az